Саудия Арабистони АҚШга ўзининг хавфсизлиги эвазига пул тўламайди, дея маълум қилди валиаҳд шаҳзода Муҳаммад бин Салмон Ал Сауд. Бу ҳақда «РИА Новости» хабар бермоқда.
2 октябрь куни Миссисипидаги тарафдорлари олдида чиқиш қилган Дональд Трамп Саудия қиролини яхши кўришини, бироқ у АҚШ ёрдамисиз икки ҳафта ҳам яшай олмаслигини, шунинг учун у бундай хизматлар учун АҚШга пул тўлаши кераклигини маълум қилган эди.
«Аслида биз хавфсизлигимиз эвазига ҳеч қандай пул тўламаймиз. АҚШдан сотиб олган қуролимизнинг ҳаммасига пул тўлаганмиз, қурол бизга текинга тушмаган. АҚШ ва Саудия Арабистони ўртасида алоқалар ўрнатилганидан бери биз ҳамма нарсани сотиб оламиз», — дейди шаҳзода.
Изоҳ (0)