Жорий йилнинг 11—12 октябрь кунлари Душанбеда Шанхай ҳамкорлик ташкилоти ҳукумат раҳбарлари кенгашининг навбатдаги йиғилиши бўлиб ўтади.
Ўзбекистон, Қозоғистон, Қирғизистон, Ҳиндистон, Хитой, Покистон, Россия ва Тожикистон делегациялари раҳбарлари кўп томонлама савдо-иқтисодий ҳамкорлик дастурининг амалга оширилиши, ШҲТ Ишбилармонлик кенгаши ва Банклараро бирлашмаси фаолиятини муҳокама қилади.
Ҳукумат раҳбарлари ташкилот фаолиятининг турли йўналишларига оид қатор қарорларни кўриб чиқади. Жумладан, унинг 2019 йилги бюджетини тасдиқлайди, қўшма коммюникени қабул қилади. Шундан сўнг ҳукумат раҳбарлари кенгашининг ШҲТ кузатувчи-давлатлари ва мулоқот бўйича шериклари делегациялари иштирокидаги кенгайтирилган йиғилиши бўлиб ўтади.
Кенгаш йиғилиши доирасида ҳукумат раҳбарларининг қатор икки томонлама учрашувлари бўлиб ўтиши кўзда тутилган.
Изоҳ (0)