Тошкентда вақтинчалик пропискани бир кунда олиш мумкин бўлди

«Тошкентда ва Тошкент вилоятида ташриф жойида рўйхатдан ўтиш» электрон хизматини олиш муддати беш иш кунидан бир иш кунигача қисқартирилди, деб ёзади «Газета.uz» «Электрон ҳукумат» тизимини ривожлантириш маркази хабарига таяниб.

Ушбу хизмат оптималлаштирилган ҳолда Ягона интерактив давлат хизматлари порталида тест режимида ишлаяпти. Ундан фойдаланиш тартиби соддалаштирилди: фуқаролар етти хилдаги ҳужжатларни тўплаши ҳамда миграция ва фуқароликни расмийлаштириш бўлимига бориши керак эмас.

Ушбу хизматдан электрон тарзда фойдаланиш учун OneID тизимида рўйхатдан ўтиш лозим. Шундан кейин ЯИДХПда авторизация қилинади ва «Фуқаролик» бўлимида жойлашган хизматдан фойдаланилади.

Батафсил йўл-йўриқ марказ сайтида кўрсатилган.