Ўзбекистонда Муҳандислар-консультантлар уюшмаси ташкил этилди

Ўзбекистонда Муҳандислар-консультантлар уюшмаси ташкил этилди, деб ёзади «Podrobno.uz».

Уюшма таъсисчилари Вазирлар Маҳкамаси ҳузуридаги «ЎзИнжиниринг» Республика лойиҳа институти, Корпоратив бошқарув илмий-таълим маркази ва Islohotkonsaltservis компанияси бўлди.

Уюшманинг вазифалари қуйидагилар:

• лойиҳа, инжиниринг ва консултация хизматларини ривожлантириш;
• унинг аъзоларини истиқболли инвестиция лойиҳаларини амалга ошириш бўйича фаолиятга жалб этиш;
• уюшма аъзоларининг ҳуқуқлари ва қонуний манфаатларини ифодалаш ва ҳимоя қилиш;
• халқаро молия институтлари ҳисобидан молиялаштириладиган муҳандислар-консультантлар, лойиҳаларни амалга ошириш гуруҳлари ходимларининг малакасини ошириш;
• олий таълим муассасалари билан уларнинг ўқув дастурларига лойиҳалаш ва қурилиш соҳасидаги энг янги ютуқ ва инновацион ёндашувларни жорий этиш бўйича ҳамкорлик қилиш;
• хорижий муҳандислар уюшмалари билан ҳамкорлик қилиш, сифатли лойиҳалаштириш ишларини, шу жумладан, хорижда амалга ошириш учун консорциумлар шакллантириш.