«Ўзбекнефтгаз» Американинг Exxon Mobil компанияси билан «Фарғона нефтни қайта ишлаш заводи» МЧЖ базасида II ва III гуруҳ базавий мойларни ишлаб чиқаришни ташкил этиш» лойиҳасини амалга оширмоқда, деб ёзади «Podrobno.uz».
Мазкур лойиҳанинг тахминий қиймати 150 миллион АҚШ долларини ташкил этади ва уни амалга ошириш муддати – 2018—2021 йиллар. Америка компанияси лойиҳада технологик асбоб-ускуналар лицензиари сифатида иштирок этмоқда.
Exxon Mobil экспертларининг таъкидлашларича, бу каби лойиҳа минтақада ягонадир. «Ўзбекистон нефть-газ соҳаси Exxon Mobil компанияси ушбу истиқболли лойиҳани муваффақиятли амалга ошириш учун тажриба ва технологияларни бўлишишга тайёр эканлигига ишонч ҳосил қилиши мумкин», — деди Нефтьни қайта ишлаш ва газни тозалаш технологиялари, катализаторлар ва лицензиялаш бўйича бош менежер, компания вице-президенти Шон Смит.
Exxon Mobil – жаҳонга машҳур кўп функцияли компания бўлиб, у нефтни қайта ишлаш, газни қайта ишлаш, нефть-кимё маҳсулотлари ва йирик ишлаб чиқариш саноати учун технологияларни ишлаб чиқиш ва етказиб беришга ихтисослашган.
Изоҳ (0)