Тошкентда ўтказилаётган ICTWEEK Uzbekistan 2018 кўргазмасида «Ўзбектелеком» Spot мухбирига Ўзбекистондаги биринчи «Масофавий савдо офиси» пилот лойиҳаси, метро бекатларида Wi-Fi ишга туширилиши, шунингдек, «Ўзбектелеком» АК ва «ЭлКат» МЧЖ (Қирғизистон Республикаси) ўртасида Қувасой (Фарғона вилояти) — Қизил-Кия (Боткен вилояти) ҳудудида янги трансчегаравий алоқа қурилишининг ижобий натижлари ҳақида маълумот берди.
Масофавий савдо офиси
Таъкидланишича, Winncom Technologies билан ҳамкорликда Ўзбекистонда илк бор йўлга қўйилаётган «Масофавий савдо офиси» пилот лойиҳаси синовдан ўтказилмоқда. Бунда абонентлар савдо марказлари, банклар, шифохоналар, солиқ қўмиталари каби турар жойларидан қатъи назар компанияда йўлга қўйилган видео қўнғироқ орқали операторга уланиш имкониятига эга бўлади.«Биринчидан, мазкур хизмат ‘Масофавий савдо офиси’ пилот лойиҳаси орқали ‘Ўзбектелеком’ масофадан абонентларга хизмат кўрсатишнинг замонавий ва қулай ечимни таклиф қилади. Иккинчидан, мижозлар компания оператори билан жонли мулоқотга киришиб, қизиқтирган саволларига жавоб олишлари, компания хизматларидан фойдаланишлари мумкин. Шу билан бирга, абонентлар махсус қурилма орқали масофадан туриб операторга ҳужжатлари нусхасини юбориб шартнома тузиш имкониятига эга бўладилар» — дейди «Ўзбектелеком»нинг техник ҳамкори Ксения Вихтикина.
«Ягона ойна» тамойили бўйича ишлайдиган лойиҳа компаниянинг хизматларини янада қулайроқ қилиш, навбатдаги кутиш вақтини камайтириш ва мижозларга юқори технологиялар орқали хизмат кўрсатишни таъминлай олади.
Интернет тезлиги ортди ва нархлар 31% га пасайди
16 август куни «Ўзбектелеком» АК ва «ЭлКат» масъулияти чекланган жамияти (Қирғизистон Республикаси) ўртасида Қувасой (Фарғона вилояти) — Қизил-Кия (Боткен вилояти) ҳудудида янги трансчегаравий алоқани қуриш жараёни тугалланган эди.Компания аъзоларининг таъкидлашича, янги трансчегаравий алоқа Қирғизистон ҳудудидан ўтадиган Интернетга чиқиш учун муқобил йўлни очди. Интернет тезлиги қисақа муддат давомида сезиларли даражада ошди.
«Компания оператор провайдерлари каналларига 2 ой давомида нархларни 31% га пасайтирди», — дея таъкидлади оператор вакилларидан бири.
Шунингдек хабарга кўра, йил бошида интернет сиғими 94 ГБ ни ташкил этган бўлса, бугунги кунга келиб 106 ГБ га етди.
Метроларда Wi-Fi қачон ишга туширилади?
«Ўзбектелеком» АЖ маркетинг бўлими мутахассиси Марина Корочкина таъкидлашича, метро бекатларида Wi-Fi’нинг ишга туширилишини компания аъзолари мамлакат аҳли каби интиқлик билан кутмоқда.«‘Ўзбектелеком’ тармоқнинг пайдо бўлиши (метродаги Интернет)ни таъминлайдиган ягона компания эмас. Бунинг учун қатор комплекс иш мавжуд», — дея таъкидлади компания вакили.
Шунингдек, компания мутахассислари лойиҳани халқаро тажрибага асосланган ҳолда амалга ошириш учун бир неча таклифлар ишлаб чиқди ва улар Ахборот технологиялари ва коммуникацияларини ривожлантириш вазирлигига юборилди.
Хусусан, иккита вариант таклиф этилди:
- маълум миқдорда Интернетга пуллик кириш. Тўловдан кейин тармоққа уланиш учун фойдаланувчи кодни киритиши керак бўлади;
- рекламачилар билан ишлаш мумкин. Бу ҳолда, рекламани кўрганингиздан сўнг, Wi-Fi’дан бепул фойдаланиш мумкин.
Изоҳ (0)