Ўзбекистон осмонидаги ҳаво ҳудудида МДҲга аъзо мамлакатлар бирлашган ҳаво ҳужумига қарши мудофаа тизимининг юзта самолёт иштирокидаги ўқув машғулоти бўлиб ўтди, деб ёзади Sputnik.
Бундан ташқари, самолётлар Россия, Беларусь, Қозоғистон, Қирғизистон ва Тожикистон каби яна бешта мамлакат осмонидан учиб ўтди. Машғулотларда Ту-160, Ту-95, Ту-22, Су-30СМ, Су-27, Су-25, МиГ-29, МиГ-31 самолётлари қатнашди, улар давлат чегарасини ёки ҳаво ҳудудидан фойдаланиш тартибини бузган самолётлар, шунингдек, олиб қочилган авиалайнерлар «ролини бажарди».
«27 сентябрь куни ўтказилган жанговар шайлик текшируви муваффақиятли якунланди. Барча ўқув масалалари машғулот чоғида тўлиқ ҳажмда машқ қилинди», — дейилади Россия мудофаа вазирлиги хабарида.
Машғулотларда санаб ўтилган мамлакатларнинг 160 дан ортиқ радиотехник бўлинмалари ҳамда 40 дан зиёд зенит-ракета қўшинлари бўлинмалари қатнашди.
Изоҳ (0)