Исроил бош вазири Биньямин Нетаньяхунинг матбуот хизмати унинг Россия президенти Владимир Путин билан телефон орқали суҳбати ҳақида хабар берди, деб ёзади «MK.ru». Мулоқот Москва Сурияга С-300 мажмуасини етказиб бериш режасини маълум қилганидан кейин бўлиб ўтди.
Нетаньяху Путинга замонавий қурол-яроғларнинг масъулиятсиз қўлларга берилиши минтақадаги хавфларни кучайтиришини айтди.
«Исроил ўз хавфсизлигини ҳимоя қилишда давом этади», — деди у мулоқот чоғида. Нашр тахмин қилишича, Исроил бош вазири Суриядаги Эрон фойдаланиши мумкин бўлган объектларга зарбалар беришни назарда тутган.
Бундан ташқари, Нетаньяху Россиянинг Ил-20 самолёти ҳалокати бўйича Исроил версиясига ишонишда давом этишини айтиб, исроиллик учувчиларнинг айбдорлигини рад этди, ҳодисада эса Сурия ва Эронни айблади.
«Исроил ва Россия Ил-20 билан боғлиқ воқеадан кейин экспертлар мулоқотини ва ҳарбийлар координациясини давом эттиради», — дея маълум қилинди телефон суҳбати чоғида.
Изоҳ (0)