Малайзиянинг Перлис штати муфтийси Мохд Асри Бин Зайнул Абидин бошчилигидаги диний уламолардан иборат делегация шу кунларда меҳмон бўлиб турибди. Диққатга сазовор жойларини зиёрат қилмоқдалар, дея хабар берди «Islom.uz».
Шундай ташрифлардан бири Тошкент шаҳрида жойлашган Кўкалдош ўрта махсус ислом билим юртига амалга оширилди.
Бу ерда малайзиялик меҳмонларга диний таълим тизими, дарс жараёнлари, талабаларнинг яшаш шароитлари, ўқув режасига киритилган фанлар, устозлар ҳақида батафсил маълумотлар берилди.
Маълумот учун, ташрифдан кўзланган мақсад Вазирлар Маҳкамаси ҳузуридаги Дин ишлари бўйича қўмита, Ўзбекистон мусулмонлари идораси ва Ўзбекистондаги ислом цивилизацияси маркази раҳбарияти билан ҳамкорлик алоқаларини ўрнатиш, малайзиялик сайёҳларнинг зиёрат туризми йўналишида Ўзбекистонга мунтазам ташрифини йўлга қўйишдан иборат.
Аввалроқ, 21 сентябрь куни Тошкент шаҳрига Малайзиянинг Перлис штати муфтийси Моҳд Асри Зайнул Абидин бошчилигидаги Малайзия диний уламолари гуруҳи келгани ҳақда хабар қилинган эди.
Изоҳ (0)