Ўзбекистон Матбуот ва ахборот агентлиги томонидан нашриёт ва матбаа корхоналарининг фаолиятини мувофиқлаштириш мақсадида ягона интерактив ахборот тизимини йўлга қўйиш бўйича лойиҳа амалга оширилмоқда. Бу ҳақда Матбуот ва ахборот агентлиги хабар берди
Ушбу тизимни ишга туширишдан асосий мақсад – нашриёт ва матбаа корхоналари реестрини юритиш тизимини ахборотлаштириш, соддалаштириш, нашриётлар томонидан тақдим этилаётган ҳисоботларнинг интерактив базасини яратиш, китоб ва китоб маҳсулотларининг назорат нусхалари ҳисобини юритишдир.
Интерактив ахборот тизимини йўлга қўйиш орқали замонавий ахборот технологиялари ёрдамида қўшимча мониторинг ва назорат механизмлари яратилади. Шунингдек, контрафакт китоб маҳсулотлари чоп этилишининг олдини олиш, ноқонуний фаолият юритаётган корхоналарни аниқлаш, маълумотлар йиғиш ва уларни таҳлил қилиш бўйича тезкор тизим шаклланади.
Изоҳ (0)