Буюк Британияга тегишли сунъий йўлдош тўр ёрдамида космик чиқиндини тутиш бўйича тажриба ўтказди. Бу ҳақда «РИА Новости» хабар берди.
Хабар берилишича, сунъий йўлдош 17 сентябрь куни ўзининг биринчи синовини бошлаган ва космосга оёқ кийими қутиси катталигидаги жисмни қўйиб юборган. Кейин етти метр масофадан йўлдош космик чиқинди сифатида олинган бу объектни ушлаб олиш учун кенглиги беш метр бўлган тўрни очган. Агар тўр ҳақиқий космик чиқиндини ушлаш учун ишлатилганда, йўлдоаҳ уни пастроқ орбитага олиб тушган бўларди, шундан сўнг чиқинди атмосферага кириш чоғида ёниб кетган бўлар эди.
Таъкидланишича, объект айланиб кетган, мутахассислар эса буни кутмаган эди. Уларнинг сўзларига кўра, тўр йирик чиқиндиларни, масалан, ишдан чиққан сунъий йўлдошларни ушлаш учун фойдаланилади.
Лойиҳа раҳбарининг қайд этишича, космосда чиқиндиларни тозалаш чоғдаги энг қийин вазиятлардан бири икки катта жисмнинг бир-бирига тўқнашиб кетиши ҳисобланади. Тўқнашув чиқиндилар ҳаракати тезлигининг ошиб кетишига олиб келади. Тўқнашувлар занжири оқибатида ҳарбий ва коммуникацион йўлдошлар зарарланиши мумкин.
Хабар берилишича, Ер орбитасида сунъий йўлдошни бузиш учун етарли тезликда ҳаракатланаётган ва катталиги теннис коптогига тенг бўлган тахминан 500 мингта жисм мавжуд.
Изоҳ (0)