Вьетнам президенти Чан Дай Куанг 21 сентябрь куни тонгда, 62 ёшида вафот этди, дея хабар бермоқда Reuters агентлиги.
Вьетнам давлат телевидениеси ахборотига кўра, президент Ханойдаги шифохонада «унинг ҳаётини сақлаб қолиш учун маҳаллий ва хорижий шифокорлар ва профессорлар томонидан олиб борилган саъй-ҳаракатларга қарамай, оғир касалликдан вафот этган».
Чан Дай Куанг 1956 йили туғилган. У узоқ вақт давомида давлат хавфсизлик органларида фаолият олиб борган (бу хавфсизлик органлари маҳаллий ва халқаро фаоллар томонидан кўп танқид қилинган. 2016 йили эса Чионг Тан Шанг ўрнига Вьетнам раҳбарига айланган эди. У мамлакатнинг ҳисоб бўйича 10-президенти эди.
Қайд этиш жоиз, Вьетнамда президент Миллий мажлис (парламент) томонидан сайланади. Расман у давлат раҳбари ҳисобланса-да, амалда мамлакат бошқаруви Вьетнам Коммунистик партияси бош котиби ва ҳукумат раҳбари томонидан олиб борилади.
Изоҳ (0)