IT соҳаси ишбилармони, ахборот технологиялари бўйича бизнес-таҳлилчи, инвестор Бобур Оқилхонов «Рақамли ишонч» рақамли иқтисодиётни ривожлантиришни қўллаб-қувватлаш жамғармасининг технологиялар бўйича инвестицион директор этиб тайинланди. Бу ҳақда Spot Лойиҳа бошқаруви миллий агентлиги матбуот хизматига таяниб хабар берди.
«Бизнинг биринчи галдаги вазифамиз — юқори малакали IT мутахассислар жамоасини йиғиш ва Ўзбекистондаги ҳаётнинг турли соҳаларида «блокчейн» технологиясини жорий қилиш демакдир. IT-лойиҳалари ва уларни амалга оширувчи сармоядорлар билан кўп ишлар олиб боришимизга тўғри келади», — дея таъкидлади Бобир Оқилхонов.Бобир Оқилхонов Тошкентда жойлашган Мирзо Улуғбек номидаги халқаро мактабни тамомлаган, Австралиядаги Чарлз Стёрт университети (Charles Sturt University)нинг бакалавр босқичини ахборот технологиялари йўналиши бўйича тугатган.
У Billur.com хостинг-компанияси асосчиларидан бири, Plov.com лойиҳасига сармоя киритган, «КупиОтпуск» ва Blockcrunch Capital холдинг компаниясига асос солган. Биринчи лойиҳаси: StudentFace Australia, асосчиси ва бош директори.
Жамғарма 2 сентябрда ташкил этилган бўлиб, рақамли иқтисодиётни ривожлантиришнинг энг устувор йўналишларида инвестицион, молиявий ва бошқа ресурсларни бирлаштиришга қаратилган.
Рақамли иқтисодиётни ривожлантириш фонди давлат-хусусий шерикчилик шартларида рақамли иқтисодиётни ривожлантиришга оид истиқболли ва стратегик муҳим, шу жумладан крипто-активлар айланмаси ва крипто-биржалар соҳасидаги лойиҳаларни амалга оширади.
Изоҳ (0)