8 ёшли Абубакр 2018 йилнинг 2 апрелидан буён оғир дард — лейкоз билан олишмоқда. Ўша куни у Тошкент шаҳридаги гематология ва қон қуйиш шифохонасига жойлаштирилган.
«Шу пайтгача қариндошларим акаларим қўлларидан келганича ёрдам беришди. Кимётерапия уколлари қимматлиги туфайли бор будимизни сотиб ҳам бўлдик.
Менинг уч фарзандим бор, битта ўғлим, иккита турмушга берадиган қизим. Икки қизимдан олдинги қизим вафот этган. Турмуш ўртоғим ишлайди, топгани рўзғордан ортмайди. Ўзимнинг ҳам соғлиғим яхши эмас.
Битта қизимни контрактда ўқитаман, биттаси коллежда. Ҳозир унинг тўловларини ҳам тўлай олмай қолдик.
Ўғлим Абубакр яна 4 та аспаргиназа, 60 та метотрексат, 22 та винкристин, 5 та сетозар, 5 та кимёвий уколларини олиши керак экан. Бу дориларни жуда қимматлиги сабаб олишга имкониятим бўлмаяпти», — дейди боланинг онаси Нафиса опа.
Абубакрнинг даволаниши учун катта маблағ талаб этилади. Ҳозирда унинг оиласи моддий ва маънавий кўмакка муҳтож.
«Ким ёрдам берса, Аллоҳ ажрини берсин. Яратгандан сўраб қоламан», — дейди муштипар она.
Барча саховатпеша инсонлардан Абубакрга имкон қадар ёрдам беришларини сўраймиз!
Абубакрнинг онаси Тожибоева Нафисахоннинг номига очилган пластик карточка рақами: 8600 0609 7458 1952
Телефон рақами: 94 309 97 10
Изоҳ (0)