11 октябрда бўлиб ўтадиган Mobicon 2018 мобил конференцияси доирасида Ўзбекистонда биринчи бор YouTube вакили Самсон Безмятежний иштирок этади. Самсон Безмятежний Genesis YouTube Qazaqstan&Central Asia раҳбаридир, деб ёзади UzDaily.
Самсон Безмятежний YouTube’нинг Қозоғистон, Марказий Осиё ва дунё мамлакатларида ривожланиши, соҳадаги сўнгги трендлар ҳақида сўзлаб, ушбу видеосервисда қандай қилиб ўз каналингизни ривожлантиришингиз мумкинлиги ҳақида маслаҳатлар беради.
Ҳозирда YouTube Марказий Осиё мамлакатларида, хусусан, Ўзбекистонда оммавийлашмоқда. Мамлакатда YouTube’даги роликлар кўрилиши сони йилдан йилга ортиб бормоқда. Бу кўрсаткичлар Ўзбекистонда блогерлар сонининг ўсиши билан боғлиқ. Ҳозирда айрим YouTube каналларининг обуначилари сони 500-600 мингга етган.
Шу муносабат билан Mobicon 2018 конференциясида асосан YouTube’да каналларига эга бўлган видеоблогерлар чиқиши кутилмоқда. Иштироки режалаштирилган блогерларнинг тўлиқ рўйхати билан расмий сайтда танишиш мумкин.
Мобиcон 2018 конференцияси фақат бир кун — 11 октябрда International Hotel Tashkent меҳмонхонасида ўтказилади. Тингловчи сифатида иштирок этиш — бепул.
Таклифномани қўлга киритиш учун тадбирнинг расмий Telegram-каналида рўйхатдан ўтиш керак. Конференциядан уч кун аввал Telegram-каналнинг барча аъзоларига электрон таклифнома жўнатилади. Мазкур таклифнома билан конференция ўтказилаётган бинога кириш мумкин.
Изоҳ (0)