Америкалик боксчи Флойд Мейвезер фаолиятини қайта бошлашини эълон қилди. Instagram’даги саҳифасида ёзишича, у 2018 йил сўнггига қадар филиппинлик Мэнни Пакьяога қарши жанг ўтказади.
Ушбу эълон билан бир вақтда Мейвезер билан Пакьяо Токиодаги мусиқа фестивалида мулоқот қилаётгани акс этган видеоёзув ҳам пайдо бўлди.
https://instagram.com/p/BnvdWOphIoe/?utm_source=ig_embed
Флойд Мейвезер профессионал боксчилар орасида мағлубиятсиз фаолиятининг давомийлиги бўйича рекордчи ҳисобланади — у 50 та жанг ўтказиб, уларнинг барчасида ғалаба қозонган.
Мейвезер 2017 йили, MMA жангчиси Коннор Макгрегор билан жангдан сўнг (ушбу жанг бокс қоидалари асосида ўтказилган), боксчилик фаолиятини якунлаганини эълон қилган эди.
Мейвезер ва Пакьяо 2015 йили рингда ўзаро тўқнаш келган. Жанг, ҳакамлар қарорига кўра, америкалик боксчининг ғалабаси билан якунига етган.
Изоҳ (0)