Бугун, 15 сентябрь санасида Англия премьер-лигасининг бешинчи тур баҳсларига старт берилди.
Тур доирасида бугуннинг ўзида 7 та учрашув бўлиб ўтиши белгиланганди. Жумладан, турнинг марказий ўйини «Тоттенҳэм» ҳамда «Ливерпуль» жамоалари ўртасида кечди. Беллашув меҳмонлар 1:2 ҳисобида ғалаба қозонди. Клопп шогирдларидан Жоржиньо Вейналдум ва Роберто Фирмино ўз номини таблога ёздириб қўйган бўлса, «шпорлар»нинг жавоб голи Эрик Ламела ҳисобига ёзилди.
Шунингдек, ҳозирча йўқотишсизларсиз одимлаётган «Челси» ўз уйида «Кардифф Сити»ни имтиҳондан ўтказди. Баҳс 4:1 ҳисобида Маурицио Сарри шогирдлари фойдасига ҳал бўлди. Мезбонлар сафида Эден Азар хет-трикка эришган бўлса, Виллиан ҳам ўз ҳисобига битта гол ёзиб қўйишга эришди. «Кардифф»нинг ягона голи Бамба томонидан киритилди.
«Манчестер Сити» эса ўз майдонида «Фулҳэм»ни синовдан ўтказиб, 3:0 ҳисобидаги ғалабани тантана қилди. Голларга Лерой Сане, Давид Силва ва Рахим Стерлинг муаллифлик қилди.
«Арсенал» эса «Ньюкасл» майдонига сафар қилиб, Гранит Жака ҳамда Месут Ўзилнинг голлари сабаб 2:1 ҳисобидаги ғалабага эришди.
Англия премер-лигаси
15-тур беллашувлари
15 сентябрь, шанба
Изоҳ (0)