Дилором Ғофуржоновна Тошмуҳамедова Вазирлар Маҳкамаси ҳузуридаги «Оила» илмий-амалий тадқиқот маркази директори лавозимига тайинланди. Бу ҳақда «Ҳуқуқий ахборот» канали маълум қилди, деб ёзади «Халқ сўзи».
Қайд қилинишича, Дилдора Мирсабитовна Каримова ва Дилбар Мағрибжоновна Алимжонова марказ директор ўринбосари лавозимига тайинланди.
Маълумот учун, Дилором Тошмуҳаммедова 2008 йилдан 2013 йилга қадар Олий Мажлис Қонунчилик палатаси спикери лавозимида ишлаган.
«Оила» маркази оила институтини мустаҳкамлаш ва ривожлантириш, жамиятда замонавий намунали оила мезонларини жорий этиш соҳасида ягона давлат сиёсатини амалга оширишга қаратилган фундаментал, амалий ва инновацион тадқиқотларни ташкил этиш ва ўтказиш соҳасида республиканинг етакчи илмий-тадқиқот эксперт муассасаси ҳисобланади.
Изоҳ (0)