13 сентябрь куни Ўзбекистон ва Қозоғистон аёллари бизнес-форуми бўлиб ўтди. Форум доирасида Ўзбекистон Туризмни ривожлантириш давлат қўмитаси раиси ўринбосари вазифасини бажарувчи Саидакбархон Акбаров сўзга чиқди, деб хабар беради қўмита матбуот хизмати.
У иштирокчиларга «Ипак йўли» халқаро туризм университети ҳақида гапириб бериб, у ерда октябрдаёқ Туризм менежменти, Туризм хизматлари ва Сервисни ташкил қилиш каби учта факультетнинг 129 нафар талабалари таълим олишни бошлашини айтди.
Саидакбархон Акбаров биринчи Марказий Осиё ёшлар туристик форумини ўтказиш ташаббуси билан чиқди. Унинг сўзларига кўра, форум ўзаро алоқалар, ички оммалашувнинг мустаҳкамланишига имконият яратади, пировардида тажриба алмашиш механизмига айланади.
Изоҳ (0)