Ўзбекистон Президенти ҳузуридаги Давлат бошқаруви академияси 1995 йилдан буён бошқарув кадрларини тайёрлаш, қайта тайёрлаш ва малакасини ошириш ишларини олиб боради. Бу ҳақда ЎзА хабар берди.
Жорий йилда академиянинг таркибий бўлинмалари ёш, замонавий билим ва кўникмаларга эга бўлган, ахборот коммуникация технологияларини ўзлаштирган юқори малакали кадрлар билан тўлдирилган. Профессор-ўқитувчилар таркиби ҳозирги кунда 25 асосий штат бирлигини ташкил этади. Улардан 36 фоизи фан доктори, 52 фоизи фан номзоди ҳамда 12 фоизи катта ўқитувчилардан иборат.
Давлат бошқарув академиясининг мониторинг ва касбий ўсиш бўлими бошлиғи Муҳаммад Ҳолназаровнинг маълум қилишича, академияда малака оширган ва қайта тайёрланган кадрларнинг иш жойидаги ўсиш кўрсаткичи 20-30 фоизни ташкил этади.
Сўнгги 2 йил ичида битирганлар орасида ишсизлар кузатилмаган. Бироқ академияда билим ва малакасини оширган давлат ходимларининг айримларида лавозимида ўзгариши бўлмаган, ҳатто бошқа соҳаларга ўтиб кетганлар ҳам бор.
Шунингдек, гарчи сони фоизларда жуда кам кўрсаткични ташкил этсада, улар орасида ҳозирда ишсиз қолганлари ҳам йўқ эмаслиги билдирилмоқда.
Изоҳ (0)