Alibaba компанияси асосчиси ва раҳбари Жек Ма 2019 йил 10 сентябрда — 55 ёшга тўлган куни истеъфога чиқишини маълум қилди, деб ёзади «РБК».
Ўзининг кўп миллиардли бизнесига асос солгунига қадар ўқитувчи бўлиб ишлаган Жек Ма яна ўша касбига қайтмоқчи.
У директорлар кенгаши таркибида қолиб, компания бошқарувини кузатишда давом этишини айтди, ўзининг барча ваколатларини эса амалдаги бош директор Дениел Чжангга топширади.
Ма Alibaba’га 1999 йилда асос солиб, уни электрон тижорат ва рақамли тўловлар билан шуғулланувчи дунёдаги энг йирик компанияга айлантирди. Бизнесмен Хитойнинг энг бой фуқароси бўлиб, унинг давлати 40 миллиард долларга баҳоланмоқда.
Изоҳ (0)