Парижда пичоқ ва темир таёқ билан қуролланган Афғонистон фуқаросининг ҳужуми оқибатида етти киши жабрланди, деб ёзади Le Parisien.
Дастлаб жиноятчи МК2 кинотеатри ташрифчиларини ярадор қилган, сўнг бино яқинидаги майдонда петанк (соққалар билан ўйналадиган ўйин) ўйнаётган французларга ҳамла қилди. Шундан кейин эркак Анри Рогер кўчасида икки ўткинчига ташланди.
Беш нафар жабрланувчи жонлантириш бўлимига етказилган, икки киши ўртача оғирликдаги ҳолатда, бир киши шок ҳолатида қолмоқда.
Полицияда ҳужумни теракт деб аташ учун далиллар йўқ.
Изоҳ (0)