«Жартепа» чегара божхона пости ходимлари хорижий давлатда ишлаб чиқарилган, Ўзбекистон Республикаси акциз маркаси билан маркаланмаган тамаки маҳсулотларини мамлакатга ноқонуний олиб ўтиш ҳолатларига чек қўйди. Бу ҳақида «Дарё» мухбири Фарҳод Норбўтаев хабар бермоқда.
Ўзбекистон Республикаси фуқароси В.С. қўшни давлатдан Ўзбекистон Республикаси аксиз маркаси билан маркаланмаган, 70 қути тамаки маҳсулотларини божхона чегараси орқали яшириб олиб ўтаётганида, унинг қилмиши фош бўлди.
Аниқланган ҳолат натижасида фуқародан тамаки маҳсулотлари ашёвий далил тариқасида олиб қўйилди.
Самарқанд вилояти божхона бошқармаси Ахборот хизмати берган маълумотга кўра, М.С. исмли шахс божхона ходимларини чалғитиб, Ўзбекистон Республикасига кириб келаётган уч нафар фуқаронинг кўмаги билан ароқ, тамаки, шоколад каби умумий қиймати 3 миллион сўмдан ортиқни ташкил этувчи маҳсулотларни божхона назоратидан олиб ўтишга ҳаракат қилган.
Айни пайтда ушбу икки ҳолат юзасидан текширув ҳаракатлари давом эттирилмоқда.
Изоҳ (0)