Европа Иттифоқининг шахсий маълумотлар ҳақидаги қонунчиликка амал қилишни назорат қилувчи органлари ОАВларда тарқалган Google фойдаланувчиларининг шахсий маълумотларини эҳтимолий узатилиши ҳақидаги ахборотлардан хабардор. Бу ҳақда «РИА Новости» хабар берди.
Bloomberg агентлиги аввалроқ Google ва MasterCard тўрт йиллик музокаралардан кейин фойдаланувчиларнинг тўлов тизимлари операциялари бўйича маълумотларни узатиш юзасидан махфий келишув имзолагани ҳақида хабар берган. Маълум қилинишича, реклама берувчилар ана шу келишув туфайли MasterCard мижозларининг қидирув тизимида реклама қилинган маҳсулотларни сотиб олганини таҳлил қилиш имкониятини қўлга киритган.
Европанинг маълумотларни ҳимоя қилувчи органлари бу ва бошқа вазиятларни кузатиб бормоқда. Бу эса маълум компания ва ташкилотлар Европа Иттифоқининг маълумотлар ҳимояси бўйича умумий регламентига амал қилмаётганини кўрсатмоқда.
Регламент 2018 йилнинг май ойида кучга кирган. Унинг талаблари бузилган тақдирда компаниялар вазиятнинг ўғирлик даражасига қараб, 20 миллион евро ёки йиллик айланмасининг тўрт фоизи миқдорида жарима тўлайди.
Изоҳ (0)