MalwareHunterTeam хизматининг киберхавфсизлик бўйича экспертлари АҚШнинг собиқ президенти Барак Обама номи билан аталган хавфли вирусни аниқлади. Бу ҳақда «Корреспондент.net» хабар берди.
Барак Обаманинг абадий кўк бузғунчи вируси номи остидаги дастур билан зарарланган қурилманинг экранида АҚШнинг 44-президенти сурати пайдо бўлади. Бузғунчи компьютерда ўрнатилган антивируслар ишини тўхтатиб қўяди. Мутахассислар унинг Kaspersky ва McAfee каби дастурларга таъсирини пайқаган.
Антивирус дастурлари ишини тўхтатгандан кейин зарарли дастурий таъминот компьютерни сканер қилади ва ундаги барча эхе форматидаги файлларни рақамлайди. Таъсир остига бошқа вируслар эътиборидан четда қоладиган Windows папкалари ҳам тушади. Кимдир бундай файлларни ишга туширганда, у автоматик тарзда вирус дастурни ҳам ишга туширади.
Зарарланишдан кейин экранда Барак Обаманинг сурати пайдо бўлади, унинг ёнида эса хакерлар билан боғланиш учун маълумотлар чиқади. Фойдаланувчи вирусдан қутулиш учун кўрсатилган электрон почта манзили орқали хакерлар билан боғланиши керак. Бу вируснинг қандай тарқалаётгани ҳозирча номаълум.
Изоҳ (0)