Қашқадарё вилоятининг Шаҳрисабз шаҳрида 6—10 сентябрь кунлари хақаро мақом санъати анжумани ўтказилади. Ушбу анжуманга 75 та давлатдан хорижий меҳмонлар келиши кутилмоқда.
Маданият вазирлиги матбуот хизматининг хабар беришича, тайёргарлик ишлари кенг кўламда, шиддат ва ҳамжиҳатликда олиб борилмоқда.
«Оқ Сарой ҳудудида меҳмон ва мезбонлар учун барпо қилинаётган 1800 ўринли махсус амфитеатр бир неча кундан сўнг концерт томошарини ўтказади.
Оқ Саройнинг халқ билан гавжум кўчалари байрам шукуҳини тараннум этмоқда. Шаҳрисабз шаҳрига ташриф буюрган инсон гўё бир эртакка тушиб қолгандек ўзини ҳис этади, мафтункор табиат қўйинида меҳмон уйларининг қад ростлагани, Ўзбекистоннинг барча ҳудудлари тарихини ва маданиятини ифода этувчи махсус саҳна безаклари ҳамда ҳунармандларнинг миллий маҳсулотлари кўзни қувонтиради.
Ҳар куни анжуман ишчи гуруҳининг штаби турли масалалар юзасидан муҳокама ва баҳслар олиб боради, ечилмаган муаммоларни бартараф этиш юзасидан тезкор ҳукмлар чиқариб бирдамликда фаолият юритади», — дейилади хабарда.
Изоҳ (0)