Россиялик актриса Равшана Куркова яқинда берган интервьюларидан бирида ҳаётининг энг қизиқарли лаҳзалари ҳамда келгусидаги режалари ҳақида сўзлаб берди, деб ёзади «Podrobno.uz».
Равшана, шунингдек Тошкентдан Москвага кўчиб ўтиши қандай кечгани, бувисининг оқ «Волга» машинаси тўғрисида ҳам гапирган.
Ўзбекистонда ҳурматга сазовор акушер-гинеколог бўлган бувим 1966 йилда бир йилга Афғонистонга хизмат сафари билан кетган. У ўз ойлик маошини автомобиль кўринишида олган — бу собиқ иттифоқ пайтида мумкин бўлган. Ўша йилларда оқ «Волга» ли аёл Тошкентда қандай қабул қилинганини тасаввур қила оласизми? Қимматбаҳо автомобилларни яхши кўришим бувимдан ўтган бўлса керак. У етакчи, қизиқарли ва замонавий аёл бўлган. Айтганча, Москвага кўчиб келгунимча мен Тошкентдаги Новомосковская кўчасида яшаганман.Куркова Тошкентга куз фаслида ташриф буюради. Бунинг сабаби ҳақида актрисанинг ўзи шундай дейди:Ҳамма мегаполислар каби Москва ҳам ўта оғир, сершовқин шаҳар, айниқса ёш уйда ўтиришни ёқтирган қизча учун. Бироқ бу шундай шаҳарки, унда ҳамма нарса бор!
Агар инсон меҳнатда қочмайдиган, ҳис-туйғуларга берилмай ўз йўлида давом этадиган бўлса бу шаҳарни забт этиш мумкин.
Мен Москвадан жуда миннатдорман. У менга кўп нарса берди. Ҳозир 37 ёшдаман, 17 ёшимгача Тошкентда яшаганман. Кўриниб турибдики, ҳаётимнинг аксарият қисмини у ерда ўтказганман. Мевалар таъми, қуёш, болаликдаги тушлар ҳаммаси ёқимли хотираларда қолди, бироқ ўзимни англагандан кейинг ҳаётим айнан Москва, Россия билан боғлиқ.
Равшана Куркова, актриса
«Бувим ҳаёт пайтида Тошкентга тез-тез бориб турардим. Ҳозир эса у ерда яқин қариндошларим қолмаган. Шундай бўлса-да, имконият бўлиши билан Тошкентга учаман.
Сентябрь ойида Самарқанд ва Тошкентда ‘Бизнинг ҳовлида’ сериалининг ёзги блокларини суратга олинади».
Изоҳ (0)