27 август куни Россиянинг Волоколамск шаҳрида «Волоколамск чегараси» XV халқаро ҳарбий-ватанпарварлик фильмлари фестивали якунланди, дея хабар бермоқда «Литературная газета».
Ўзбекистонлик режиссёр Рашид Маликовнинг «Сабот» фильми тўлиқ метражли фильмлар орасида бош совринни қўлга киритди.
Аввалроқ худди шу фильм Москва халқаро кинофестивалида томошабинларнинг катта қизиқишини уйғотгани хабар берилган эди.
Фильмда 1989 йил Қорақалпоғистоннинг чекка бир қишлоғи тасвирланган. У ерда бир собиқ ҳарбий, камсуқум ва қаттиққўл киши яшайди. Унинг атрофидаги бор мебель фақат стол, каравот ва телевизор. Унинг турмуш ўртоғи оламдан ўтган, ўғли эса у билан урушиб қолган ва набираси билан учрашишга рухсат бермайди. Собиқ ҳарбий мактабда жисмоний тарбия ўқитувчиси бўлиб ишлайди ва кунларнинг бирида у саратон касалига чалингани маълум бўлади.
Вафот этаётган собиқ ҳарбийнинг бу дунёда амалга ошириши керак бўлган учта иши қолади: набирасини кўриш, мактабга сув олиб келиш ва бир аблаҳдан қасос олиш.
Изоҳ (0)