Ўзбекистон россияликлар учун куз фаслидаги энг оммабоп йўналишга айланди

Грузия ва Ўзбекистон россияликлар учун куз фаслидаги энг оммабоп йўналишларга айланди, деб ёзади «Aviaport.ru».

«Tutu.ru» саёҳат сервиси мутахассислари 2018 йил 1 сентябрдан 30 ноябргача расмийлаштирилган авиачипталарни таҳлил қилиб чиқди. Натижалардан маълум бўлишича, сотилган барча чипталарнинг 10,7 фоизи Ўзбекистон, 8,8 фоизи — Грузия ва 5,5 фоизи Италия ҳиссасига тўғри келади.

Шунингдек, Исроил, Испания, Молдова, Арманистон, Германия, Озарбайжон ва Черногория рўйхатнинг юқори қисмидан ўрин олган.

Таҳлилчиларнинг айтишича, авиачипталарга ўртача нархлар ўтган йилнинг кузидагига нисбатан 16 фоизга қимматлашган. Ўзбекистонга парвоз эса жорий йилнинг кузида ўтган йилнинг шу даврига нисбатан 7 фоизга арзонлашган.

Қайд этилишича, ўтган йили Молдова, Қозоғистон ва Грузия энг оммабоп йўналишлар деб топилган.