Gruziya va O‘zbekiston rossiyaliklar uchun kuz faslidagi eng ommabop yo‘nalishlarga aylandi, deb yozadi “Aviaport.ru”.
“Tutu.ru” sayohat servisi mutaxassislari 2018-yil 1-sentabrdan 30-noyabrgacha rasmiylashtirilgan aviachiptalarni tahlil qilib chiqdi. Natijalardan ma’lum bo‘lishicha, sotilgan barcha chiptalarning 10,7 foizi O‘zbekiston, 8,8 foizi — Gruziya va 5,5 foizi Italiya hissasiga to‘g‘ri keladi.
Shuningdek, Isroil, Ispaniya, Moldova, Armaniston, Germaniya, Ozarbayjon va Chernogoriya ro‘yxatning yuqori qismidan o‘rin olgan.
Tahlilchilarning aytishicha, aviachiptalarga o‘rtacha narxlar o‘tgan yilning kuzidagiga nisbatan 16 foizga qimmatlashgan. O‘zbekistonga parvoz esa joriy yilning kuzida o‘tgan yilning shu davriga nisbatan 7 foizga arzonlashgan.
Qayd etilishicha, o‘tgan yili Moldova, Qozog‘iston va Gruziya eng ommabop yo‘nalishlar deb topilgan.
Izoh (0)