Наманган шаҳрида 9,9 гектар майдонда ташкил этилган «Орзу» кичик саноат зонасида 74 миллиард сўмлик 10 та лойиҳа ишга туширилди. Бу ҳақда «Дарё»га шаҳар ҳокимлиги ахборот хизмати маълум қилди.
Байрам арафасида енгил саноат, озиқ-овқат, кимёвий маҳсулотлар ишлаб чиқарувчи «Орзу Идeaл текстиль», «Порлоқ текстиль либослари», «Суғдиёна файз текстиль», «Кварц саноат», «Боссер текстиль сервис», «Улуғ-Б», Universal Food Trade, «Мега эко пласт», «Нуробод сифат текстиль», White gold тоwел textile корхоналари ўз фаолиятини бошлади. Бунинг натижасида 1100 дан ортиқ янги иш ўрни яратилди.
Мазкур корхоналарнинг йиллик ишлаб чиқариш ҳажми 82,2 миллиард сўмни ташкил этади. 6,2 миллион долларлик маҳсулот эса хорижга экспорт қилинади.
Маълумот учун, «Орзу» кичик саноат зонасида умумий қиймати 142,3 миллиард сўмлик жами 22 та лойиҳа ишга туширилиши кўзда тутилган.
Изоҳ (0)