GM Uzbekistan томонидан автомобиллар савдоси қайта бошланганлиги ва харидорлар томонидан келиб тушаётган мурожатларни инобатга олган ҳолда, талаб юқори бўлган автомобиллар моделларини ишлаб чиқариш ҳажмларини оширишнинг тез мослашувчан механизмини жорий этиш тўғрисида қарор қабул қилинди. Бу ҳақда компания матбуот хизмати хабар бермоқда.
Хусусан, механик узатмали Nexia автомобилларини ишлаб чиқариш ҳажмлари август ойидан бошлаб 3501, сентябр ойида 4143 донагача оширилди. Йил охиригача эса ушбу моделнинг ишлаб чиқариш ҳажмлари 34 804 донагача етказилади.
Шунингдек, Malibu автомобилларини ишлаб чиқариш ҳажмлари ойига 240 донадан 2200 донага ошириш режалаштирилган.
Компания мижозлар томонидан таклиф ва талабларни инобатга олган ҳолда бошқа русумдаги автомобилларнинг ишлаб чиқариш ҳажмларини ҳам яқин ойларда ошириш учун барча имкониятларни кўриб чиқмоқда.
Изоҳ (0)