Ўзбекистонлик ФИФА ва ОФК ҳаками Равшан Эрматов ўз гуруҳи билан айни дамда Хитойда бўлиб турибди, деб хабар беради ЎФА матбуот хизмати.
26 август санасида Эрматов бригадаси билан Хитой Суперлигасининг энг муҳим баҳсларидан бири бўлган «Чангчун Ятай» ва «Хэбэй Чайна Форчун» жамоалари ўртасидаги беллашувни бошқарди. Муросасиз ўтган баҳс 2-2 ҳисобидаги жанговар дуранг билан ниҳоясига етди.
Эрматовга қанотларда Абдуҳамидилло Расулов ва Санжар Шоюсупов ёрдам берди. Энди Равшан Эрматов жамоаси билан навбатдаги турдан ўрин олган «Гуанжоу Эвергранд» – «Шанхай Шенхуа» учрашувда ҳам ишлайди. Мазкур ўйин 2 сентябрь куни бўлиб ўтади.
Хитой Суперлигаси
2 сентябрь, якшанба
«Гуанжоу Эвергранд» — «Шанхай Шенхуа»
Бош ҳакам: Р.ЭрматовЁн ҳакамлар: А.Расулов, С.Шоюсупов
Изоҳ (0)