Бўз туманида халқ депутатлари туман Кенгашининг навбатдан ташқари сессияси бўлиб ўтди. Сессия кун тартибида ташкилий масала кўрилди. Бу ҳақда Андижон вилояти ҳокимлиги ахборот хизмати маълум қилди.
2017 йил февралидан ҳозир кунга қадар туман ҳокими вазифасида ишлаб келган Абдурашид Мамиров бетоблиги туфайли эгаллаб турган лавозимидан озод этилди.
Шу пайтгача Асака тумани ҳокимининг биринчи ўринбосари — Асака шаҳри ҳокими вазифасида ишлаб келган Иномжон Мамадалиев янги ҳоким этиб тайинланди.
И. Мамадалиев 1975 йилда Асака туманида туғилган. Маълумоти олий, 1997 йилда Андижон давлат университетини тамомлаган. Асака шаҳар ИИБ катта инспектори, ИИБ бошлиғининг шахсий таркиб билан ишлаш бўйича ўринбосари, вилоят ИИБ ҳуқуқбузарликларни олдини олиш бошқармаси бошлиғи бўлиб ишлаган.
Изоҳ (0)