24 август куни Туризмни ривожлантириш давлат қўмитаси раиси Бахтиёр Умаров Innovation rally on Silk road ташкилоти раҳбари Филлип Райниш билан учрашди. Бу ҳақда қўмита матбуот хизмати хабар бермоқда.
Учрашувда 500 нафар велосипедчи Ўзбекистон бўйлаб ўтиши режалаштирилган инновацион ралли ўтказиш масаласи муҳокама қилинди.
Ушбу лойиҳа Туризмни ривожлантириш қўмитаси, инновация вазирлиги ташаббуси бўлиб, ҳар йили ўтказиш режалаштирилган.
Маршрут Европадан бошланади ва Марказий Осиёгача давом этади. Иштирокчилар ҳар бир шаҳар, ҳар бир қишлоқда тўхтаб, қандайдир инновацион механизмлар, масалан қуёш панели, ҳаво тозалагичлар, сув тозалагичлар, смарт агро маданият элементларини қолдиради.
Бундан ташқари, ралли иштирокчилари мактаблар ва университетларда маҳорат дарслари ўтказиб, ёшларни инновацион технологиялар билан таништириб боради.
Изоҳ (0)