24-avgust kuni Turizmni rivojlantirish davlat qo‘mitasi raisi Baxtiyor Umarov Innovation rally on Silk road tashkiloti rahbari Fillip Raynish bilan uchrashdi. Bu haqda qo‘mita matbuot xizmati xabar bermoqda.
Uchrashuvda 500 nafar velosipedchi O‘zbekiston bo‘ylab o‘tishi rejalashtirilgan innovatsion ralli o‘tkazish masalasi muhokama qilindi.
Ushbu loyiha Turizmni rivojlantirish qo‘mitasi, innovatsiya vazirligi tashabbusi bo‘lib, har yili o‘tkazish rejalashtirilgan.
Marshrut Yevropadan boshlanadi va Markaziy Osiyogacha davom etadi. Ishtirokchilar har bir shahar, har bir qishloqda to‘xtab, qandaydir innovatsion mexanizmlar, masalan quyosh paneli, havo tozalagichlar, suv tozalagichlar, smart agro madaniyat elementlarini qoldiradi.
Bundan tashqari, ralli ishtirokchilari maktablar va universitetlarda mahorat darslari o‘tkazib, yoshlarni innovatsion texnologiyalar bilan tanishtirib boradi.
Izoh (0)