Ўзбекистонда 5703 та тиббиёт муассасасининг атиги 2105 таси ёки 37 фоизи марказий канализация тизимига уланган. Бу ҳақда Президентнинг «Ўзбекистон Республикасининг соғлиқни сақлаш ва ижтимоий таъминот тизимини тубдан такомиллаштириш тўғрисида»ги фармони лойиҳасида қайд этилган, дея хабар беради Sputnik.
112 та касалхонада эса умуман канализация тизими мавжуд эмас.
Тиббий муассасаларнинг 58 фоизи ичимлик суви билан таъминланган, 25 фоизи артезиан қудуқларидан сув олади, 17 фоизига сув ташиб келтирилади.
Биноларнинг 30 фоизи табиий газга уланган, 68 фоизи кўмир, яна 2 фоизи суюқ ёқилғи билан иситилади.
Ҳисоб-китобларга кўра, 2245 та тиббий муассаса моддий-техник базаси яхшиланишга муҳтож. Бунинг учун 7,7 триллион сўм талаб қилиниши билдирилмоқда.
Изоҳ (0)