2018 йил 21 август куни соат 18:36 дақиқа ўтганда, Сирдарё вилояти ИИБ ЁХБ Марказий диспетчерлик хизматига Гулистон шаҳар, Бунёдкор кўчасида жойлашган савдо дўконида ёнғин содир бўлаётганлиги тўғрисида хабар келиб тушган. Бу ҳақда «Дарё» Сирдарё вилояти ИИБ ЁХБ матбуот хизмати хабар берди.
Кўрсатилган манзилга Гулистон шаҳрини ёнғиндан муҳофаза қилувчи1-HЁХҚдан 3 та жанговор экипажлар юборилди. Биринчи жанговар экипажлар ёнғин содир бўлган жойга соат 18 дан 43 дақиқа ўтганда етиб борганда савдо дўконларининг том қисмидан қора тутун чиқаётганлиги аниқланган.
Жанговар экипажлар томонидан кўрилган чоралар натижасида ёнғин соат18 дан 47 дақиқа ўтганда қуршаб олинган ва соат 19 дан 15 дақиқа ўтганда тўлиқ бартараф этилди.
Ёнғин натижасида: ЯТТ «Суюнов Фарход»га тегишли 1 та савдо дўкони (дўконнинг ички 4 та қисмга бўлиниб, шундан 2 та қисми ижарачиларга берилган)нинг 20 квадрат метр том, шифт қисми ёнғиндан зарарланган.
Ёнғин хавфсизлиги хизматининг сайъи ҳаракатлари натижасида ёнғиндан зарар кўрган савдо дўконининг атрофидаги 22 та савдо дўконлари (жами 600 кв.м ортиқ) майдони ҳамда савдо дўконларидаги товар моддий бойликлари ёнғиндан асраб қолинишига эришилди.
Ёнғин оқибатида инсонлар тан жароҳати олмаган ва ҳалок бўлганлар йўқ.
Ёнғиннинг тахминий сабаби: электр симларида юзага келган қисқа туташув натижасида содир бўлган деб тахмин қилинмоқда.
Ушбу ёнғин бўйича терговга қадар текширув ишлари шаҳар ИИБ ва шаҳар ЁХБ ходимлари томонидан олиб борилмоқда.
Изоҳ (0)