Business Insider нашри 2018 йилнинг энг яхши смартфонлари рейтингини эълон қилди, деб ёзади «РБК».
Экспертлар фикрича, пул сарфлашга арзийдиган янги қурилмалардан бири — OnePlus 6 бўлиб, унинг сифатли камераси, 6 Гб тезкор хотираси, шунингдек, тезкор қувват технологиясига эга аккумулятори афзалликлар сифатида тилга олинди.
Қайд этилган яна бир қурилма — Samsung Galaxy Note 9. У бақувват аккумулятори ва яхши камерасидан ташқари 512 Гб ички хотираси билан ҳам мақтана олади.
Юқори бешликдан Samsung Galaxy S9 ҳам ўрин олди, у мутахассислар томонидан энг чиройли смартфон деб эътироф этилди.
«iPhone X’нинг Android-версиясини эслатувчи», аммо бир неча юз долларга арзонроқ турувчи LG G7 Thinq эса харидорларни 6,1 дюймли дисплейи, намдан ҳимояланганлиги, сифатли динамиклари, ультракенг объективли камераси ва симсиз аккумулятори билан жалб қила олади.
Рўйхатдаги энг арзон гаджет — Motorola Moto G6 нинг афзалликлари сифатида бақувват ва тезкор заряд олиш қурилмаси, шунингдек, яхши камераси қайд этилди.
Изоҳ (0)