8 август куни тақдим этилган Meizu 16 ва Meizu 16 Plus компаниянинг бармоқ изи сканери экранга ўрнатилган илк смартфонлари бўлди, деб ёзади Tom’s Hardware. Аммо компания яқинда яна бир янги смартфонни бозорга чиқармоқчи, у Meizu раҳбари Жек Вонгнинг сўзларига кўра, Meizu 16Х деб ном олади.
Бунгача Жек Вонг компаниянинг Meizu 8Х номли смартфон чиқариш режалари ҳақида гапириб, у Snapdragon 710 чипсетига асосланишини айтган эди. Бироқ Хитой компанияси Meizu 8Х’ни Meizu 16 флагман линиясига қўшиб, уни Meizu 16Х номи остида чиқаришга қарор қилган кўринади.
Meizu раҳбари аниқлик киритишича, Meizu 16Х шу йил сентябридаёқ тақдим этилади. У компаниянинг илк «қошли» смартфонига айланади ва йирик дисплейга эга бўлади.
Миш-мишларга кўра, унинг нархи 1500—2000 юань (220—290 доллар) атрофида бўлади.
Изоҳ (0)