20—22 август кунлари Қорақалпоғистон Республикаси Соғлиқни сақлаш вазирлигининг тажрибали тиббиёт мутахассислари томонидан Қўнғирот туманининг энг чекка ҳудудлари ҳисобланган «Қорақалпоғистон» посёлкаси аҳолисига тиббий ёрдам кўрсатилди. Бу ҳақда «Дарё»га Республика Вазирлар Кенгаши ахборот хизмати хабар берди.
Республика соғлиқни сақлаш вазирлиги бош мутахассиси Г. Абсаметова бошчилигидаги гуруҳда даволаш-профилактика муассасаларининг юқори малакали 14 та тор соҳа мутахассислари, жумладан, терапевт, кардиолог, педиатр, лор, хирург, эндокринолог, акушер-гинеколог, окулист, невропатолог ҳамда стоматолог иштирок этди.
Тажрибали шифокорлар томонидан УТТ, ЭКГ ва лаборатория текширувлари билан жами 1734 киши чуқурлаштирилган тиббий кўрикдан ўтказилди ҳамда ушбу кўрик жараёнида 48 нафар бирламчи касалликлар аниқланди.
Касаллиги аниқланган беморларга стационар ва амбулатор даволанишга тавсиялар берилди.
Изоҳ (0)