Ижтимоий тармоқларда автотранспорт воситаси ойналарини қорайтириш учун берилган рухсатнома билан биргаликда «тонировка» қилинган илк автомобиль сурати тарқалди, деб ёзади UZ24.
Ушбу автомобиль Malibu русумида ва авторақам белгиси Тошкент шаҳрига тегишли.
Аввалроқ айнан ушбу автомобилни қорайтириш учун берилган рухсатнома сурати тарқалган эди.
Эслатиб ўтамиз, Ўзбекистонда ҳукумат қарори билан 1 августдан туси ўзгартирилган (қорайтирилган) ойнали енгил автотранспорт воситаларидан пулли асосда фойдаланишга рухсат берилди. Ҳужжатга кўра, қорайтиришга рухсатнома берганлик учун тўловлар жисмоний шахсларга энг кам иш ҳақининг 90 баравари (16 587 000 сўм); юридик шахсларга энг кам иш ҳақининг 120 баравари (22 116 000 сўм); хорижий давлатлар юридик шахсларига энг кам иш ҳақининг 140 баравари (25 802 000 сўм) этиб белгиланди.
Изоҳ (0)