Тошкент шаҳрида 148-йўналишдаги автобуснинг ЙТҲга учрашига ва симёғочга бориб урилишига Spark автомобили ҳайдовчисининг ҳаракатлари сабаб бўлди. Ҳайдовчи автомобилни кескин равишда ўнгга бурган. Бу ҳақда «Тошшаҳартрансхизмат» компаниясига таяниб, «Газета.uz» хабар берди.
ЙТҲ 20 август куни соат тахминан 12:20 да Юнусобод туманида Алишер Навоий ва Шароф Рашидов кўчалари кесишувида, «Туркистон» санъат саройи қаршисида юз берган. Оқибатда бир неча йўловчи жабрланган, уларга зудлик билан тиббий ёрдам кўрсатилган.
Жомий—Тузел йўналиши бўйича ҳаракатланаётган давлат рақами 10 105 NBA бўлган Isuzu автобуси 29 ёшли Маҳаммаджон Э. бошқарувида бўлган.
Йўл четида бўлган такси ҳайдовчилари ва автобус йўловчилари ёрдамида Spark автомобили давлат рақамининг бир қисмини аниқлашга муваффақ бўлинган. Айни пайтда ИИВ ЙҲХББ оқ рангли ҳудуд рақами 85 бўлган Spark автомобилини изламоқда.
Ҳодиса гувоҳларидан +998935905859 рақами орқали «Тошшаҳартрансхизмат» компаниясига ёки 102 рақами орқали ИИВ ЙҲХББга мурожаат қилиш сўралмоқда.
Изоҳ (0)