Оролбўйи болалари учун Нукус шаҳрида таркибида реабилитация маркази бўлган 120 ўринли ихтисослашган мактабгача таълим муассасаси ташкил этилади. Бу ҳақда Бош вазир ўринбосари Азиз Абдуҳакимов маълум қилди.
Муассаса имконияти чекланган болаларга таълим бериш ҳамда уларни жисмоний ва интеллектуал имкониятларидан келиб чиқиб тарбиялаш ва реабилитация қилиш учун синов лойиҳаси шаклида ташкил этилмоқда.
Ташкил этилажак муассаса ихтисослашган кўп профилли MTM ва реабилитация марказидан таркиб топиб, унга тарбияланувчилар ҳафтасига 5 кун 9 соатдан қабул қилинади. MTMга тиббий-психологик-педагогик комиссия хулосаси асосида 2−7 ёшли болалар қабул қилинади.
Реабилитация маркази кўп профилли шифохоналар йўлланмаси бўйича болаларга пулли амбулатор ёрдам кўрсатиши ҳам мумкин.
Изоҳ (0)