Буюк Британияда модель Кейт Грант Даун синдроми билан халқаро гўзаллик танловида ғолиб чиққан биринчи қиз бўлди. Бу ҳақда «Корреспондент.net» хабар берди.
Кейт Ultimate Beauty of The World танловида ғалабага эришди. Танловнинг асосий принципи иштирокчининг кўп образлилиги саналади. Унда вазни, ёши ва оилавий ҳолатидан қатъи назар барча қизлар иштирок этиши мумкин.
Танлов учта ёш тоифасида ўтказилади — болалар, ўсмирлар ва 20 ёшдан катта қизлар.
Портадаун шаҳрида бўлиб ўтган танловда бутун дунёдан жами 40 нафар қиз иштирок этган.
Ғалаба 19 ёшли Кейт Грантга бир йил давомида танлов ташкилотчилари томонидан ўтказиладиган фотосессияларда ва турли тадбирларда иштирок этиш имкониятини беради. Бундан ташқари у кейинги йилда танлов ҳайъати таркибига киради. Қизнинг онаси айтишича, у моделлик карьераси ҳақида 13 ёшидан буён орзу қилган.
Изоҳ (0)