Америкалик қария ўзини мемда кўриб, ғазабга тушди

Америкалик кекса эркак ўзини мемда эканлигини билиб, ғазабга тушди. Бу ҳақда унинг набираси — Брук исмли қиз ҳикоя қилган.

Қизнинг айтишича, унинг амакиваччаси Twitter’да нотаниш киши томонидан олинган суратга дуч келган. Суратда гаплашиб турган бир нечта кекса киши тасвирланган, улар савдо марказининг ҳовлисидаги ресторанда ўтирган. Улардан бири Брукнинг қариндоши бўлган.

Сурат остига муаллиф Squad Goals («Гуруҳ мақсадлари») деб ёзган. Бу Америкада оммабоп бўлган мемнинг номи ҳисобланади. Фойдаланувчилар кўпинча бир гуруҳ кишилар ўхшаш кийимда ва бир хил буюмлар билан ўзини овутиб ўтирган сурат остига шундай ёзув ёзади. Қизнинг айтишича, унинг бобоси бўлган сурат минглаб репост йиғган.

Қиз жаҳли чиққан бобосига мемнинг маъносини тушунтириб бергач, кекса киши буни тушунган ва суратнинг ажойиб эканлигини таъкидлаган.