Кеча, футбол бўйича Ўзбекистон Pepsi Суперлигасининг биринчи босқичига якун ясалди. Суперлиганинг ҳал қилувчи босқичи 13 сентябрь куни старт олади. Кейинги босқичнинг қуръа ташлаш маросими санаси эса яқин кунларда эълон қилинади, деб хабар беради Профессионал футбол лигаси матбуот хизмати.
Жамоалар энди 6 тадан 2 та гуруҳга ажратилади. Дастлабки гуруҳ чемпионат медаллари(олтин, кумуш, бронза) учун кураш олиб борса, иккинчи олтиталик Суперлигада жон сақлаб қолиш учун баҳсга киришади.
Жамоалар энди ўз гуруҳи доирасида уй-сафар тизимида жами 10 та учрашув ўтказади. Жон сақлаш йўлида охирги ўринни олган жамоа Про-лигага йўл олади. Жон сақлаш йўлида 4 ва 5-ўринни эгаллайдиган клублар эса ўтиш ўйинларида қатнашади.
Изоҳ (0)