Бугун, 19 август санасида Индонезиянинг Жакарта шаҳрида Осиё олимпия кенгашининг 37-Бош Ассамблеяси бўлиб ўтди. Тадбирда Осиё ўйинлари—2018 га ташриф буюрган делегациялар раҳбарлари, шунингдек, турли спорт турлари бўйича федерациялари раҳбарлари иштирок этди.
Ассамблеяни Осиё олимпия кенгаши президенти шайх Аҳмад ал-Фаҳад ал-Аҳмад ал-Сабоҳ ўз маърузаси билан очиб берди. Тадбирда Ўзбекистон номидан Миллий олимпия қўмитаси бош котиби Жасур Матчанов иштирок этди.
Бундан ташқари ассамблеяда бир неча ўзбекистонлик машҳур спорт амалдорлари, жумладан, Осиё олимпия кенгаши вице-президенти, Халқаро ҳаваскор бокс ассоциацияси (AIBA) президенти вазифасини бажарувчи Ғофур Раҳимов ва Осиё самбо иттифоқи президенти Аламжон Муллаев ҳам қатнашди.
Ассамблеянинг иккинчи қисмида Ўзбекистон миллий олимпия қўмитаси президенти Умид Аҳмаджонов ҳам қатнашиб, шайх Аҳмад ал-Фаҳад ал-Аҳмад ал-Сабоҳ билан учрашди.
Таъкидлаш жоиз, тадбирда спортнинг янги тури — текбол тақдимоти ҳам ўтказилди.
Изоҳ (0)