Бош вазир ўринбосари Азиз Абдуҳакимов 2018 йил 17 август 1-сменасида олий таълим муассасаларининг сиртқи таълим шаклига ўтказилаётган тест синовларининг бориши тўғрисида (08:30 ҳолатига) тезкор маълумот билан бўлишди.
Бугун, 17 август куни Республика олий таълим муассасаларининг сиртқи таълим шаклига тест синовларининг биринчи куни бошланди.
Тест синовлари материаллари махфийлиги ва дахлсизлигини таъминлаган ҳолда тест синовларидан 1 кун аввал 16 август куни тест синовлари ўтказиладиган 52 та бинога етказилди.
Тест синовлари барча олий таълим муассасаларида бир вақтда — 8:00 да бошланди. Тест синовларида 19 та олий таълим муассасаларининг 13 та таълим йўналишида 25 минг 754 нафар абитуриент иштирок этмоқда.
Тезкор маълумотларга кўра 1 797 нафар абитуриент турли сабабларга кўра тест синовларига келмади.
Тест синовлари тартиб-қоидаларини бузганлиги сабабли 19 нафар абитуриент ҳудудга кириш жойида уяли телефон, шпаргалкалар олиб киришга ва ўзганинг ўрнига киришга уринганлиги учун тест синовларидан четлаштирилди.
Барча тест синовлари ўтадиган биноларда 1-сменада тест синовлари соат 11:30 да якунланади. 2-смена 15.00 да бошланади.
Шу куннинг ўзида тест синовлари натижалари Давлат фелдегерлик хизмати томонидан махфийлиги ва дахлсизлигини таъминлаган ҳолда Давлат тест марказига қайтарилади.
Якуний маълумотлар тест синовлари 1-сменада тугаганидан сўнг тақдим этилади.
Эслатиб ўтамиз, тест синовлари Қурбон ҳайити байрамига тўғри келиши муносабати билан абитуриентлар ва уларнинг ота-оналарига қулайлик яратиш мақсадида тест синовлари 2018 йил 17—20 август кунларига кўчирилган эди.
Изоҳ (0)