Ҳозиргина Равшан Ҳайдаров бошчилигидаги Ўзбекистон олимпия терма жамоаси бугун, ўтган турда Таиланд билан дуранг қайд этган Қатар терма жамоасига қарши майдонга тушиб, йирик ҳисобдаги ғалабани тантана қилди.
Учрашувда ҳисобни 37-дақиқада Забиҳилло Ўринбоев очган бўлса, 43-дақиқада Икром Алибоев жарима зарбасидан чиройли гол уриб ҳисобни 2:0 кўринишига келтириб қўйди. Иккинчи бўлим аввалида Достонбек Ҳамдамов ҳисобни янада йириклаштирди. 49-дақиқага келиб, Жавоҳир Сидиқов ҳам ўз номини таблога ёздириб қўйди.
54-дақиқада Жалолиддин Машарипов ўзи ишлаган пенальтини голга айлантирди. 74-дақиқада эса захирадан ўйинга қўшилган Бобур Абдуҳолиқов гол уриб, ўйинга якуний нуқтани қўйди.
Шу тариқа Ўзбекистон термаси муддатидан аввал плей-офф йўлланмасини ҳал этди. Маълумот учун бироз олдин якунланган гуруҳнинг иккинчи ўйинида Бангладеш ҳамда Таиланд терма жамоалари 1:1 ҳисобидаги дуранг натижаси қайд этди.
Осиё ўйинлари
Футбол. «B» гуруҳи
16 август, пайшанба
Қатар—Ўзбекистон 0:6
Голлар: Забиҳилло Ўринбоев 37, - 0:1. Икром Алибоев 43, - 0:2. Достонбек Ҳамдамов 47, - 0:3. Жавоҳир Сидиқов 49, - 0:4. Жалолиддин Машарипов 54 пенальти, - 0:5. Бобур Абдуҳолиқов 74, - 0:6.Қатар: 21.Марван Бадрелдин, 2.Тариқ Салмон, 4.Омар Алемади (16.Хазем Шехата, 46), 5.Тамим ал-Муҳаза, 6.Аҳмад Ҳесаба (8.Хатим Ҳассанин, 65), 9.Мешал ал-Шамари, 11.Носир ал-Наср, 12.Жасим Умар (17.Абдулраҳмон Мустафо, 78), 13.Мешал Фараж, 14.Аҳмад ал-Саади, 15.Одил ал-Аҳмад
Ўзбекистон: 1.Ботирали Эргашев, 5.Аббос Отахонов (16.Дониёр Нарзуллаев, 55), 20.Достон Турсунов, 2.Рустам Ашурматов, 4.Акром Комилов, 14.Икром Алибоев, 7.Одил Ҳамробеков, 17.Достон Ҳамдамов, 10.Жавоҳир Сидиқов (8.Жасурбек Яхшибоев, 76), 6.Жалолиддин Машарипов, 9.Забиҳилло Ўринбоев (11.Бобур Абдуҳолиқов, 60).
Изоҳ (0)